Waar Ek Myself Bevind

Dis ‘n blok klip

Niks meer as net uitgekerf
Dis waar ek myself bevind

Die hoeke

Skree van leegheid
Net die oorblyfsels van a bakkie kos

Wat die holte versier

Koud en nat

Is wat my verdoofde lyf voel

Oe van die ander sondaers

peusel aan my gemoed

Die verbystap

Die man met die sleutels

Skop my hart

Hy's hier vir my

‘n Ewige skoolklok

Ek wag vir sy klank

maar onbelowend

stap die man verby

2de aand breuk aan

Dit nooit sien kom nie

elke minuut

‘n Ewigheid

My kop brand

Die warrelende gedagtes van gister

My kop bars

Die warrelende gedagtes van more

Dis net ek 

‘n Koue, nat, blok klip

Niks meer as net uitgekerf

Dis waar ek myself bevind